Ve adré a nüm , figlio d’Apuleia,
a caval, cl’è adré gnì giù la sera.
Cala la nebia, par nüm l’è una mana
la smorsa i stèl, la quata sü la lüna.
Ve adrè a nüm , e vegh no pagüra,
sum tamme i gat , cresù intla buscaia,
suma cumpagn dla bisa e dla zanzara
la strà l’è questa , l’at purtarà a Cremona.
Ociu te sentì …caval in luntanansa
senta chi vus chi ..al Milanes cl’avansa,
varda sti bastard, cani traditori
dai slunguma al pass ,avanti cavalieri!
Scapa fiö scapa ,scapa fiö scapa!,
la tò salvèsa l’è intl’altra sponda;
se al to caval agh fa pagüra al Lambar ,
dagh suta cui speron e cun la früsta.
Scapa fiö scapa ,scapa fiö scapa!,
l’impero l’ è da là , là cal ta spéta;
al cü a masar e i pé in mes a la malta,
ma al cör l’è d’un leon , alura forsa
Scapa…scapa!
Ho lasà a cà caplina ad paja e vanga
e ho picà in testa l’elmèt e in man la lancia,
la mè spada da fiö l’era ad legn,
adess l’è lüstra e la brila suta i stèll.
Ociu fioi jen chi adess agh suma,
suta fiöi adoss, suta che i sla fan suta.
Al prim cam vegna a tir ga sbüsarò la pansa,
Milanes bastard!, al m’ha ciapà a una gamba.
Fiöi na vegna un mò,tam me Canal in piena,
rabius me la fam dal lu e dla iena,
am senti in t’i vèn la füria dell’eroe.
Salvo l’è uramai al noss imperatore!
Scapa fiö scapa ,scapa fiö scapa!,
l’impero l’ è da là , là cal ta spéta;
Scapa fiö scapa ,scapa fiö scapa!,
l’impero l’ è da là , là cal ta spéta;
Scapa fiö scapa ,scapa fiö scapa!,
Scapa fiò scapa, scapa fiò scapa!
L’impero l’ è da là , là cal ta speta
Scapa fiò scapa……scapa fiò scapa!
La to salvesa l’è la nosa gloria
Scapa!